ചതഞ്ഞ തള്ളവിരലുമായി
ഒരിക്കലൊരു മുത്തശ്ശി
എന്നെക്കാണാനെത്തി
മകന് അമ്മിയില്‍ ചതച്ചതാണത്രേ.
പൊള്ളിയ ചങ്കുമായി
ഒരിറ്റു വെള്ളം ഇറക്കാനാകാതെ
ഒരിക്കല്‍ മുറ്റത്തെ കൊച്ചുമാവിന്‍കൊമ്പില്‍
മുത്തശ്ശി തൂങ്ങികിടന്നു,
അതും മകന് ചെയ്തതാണത്രേ
...... ......... ......
മകന്റെ കൈയിലെ നഖംകൊണ്ട്
പരിക്കേറ്റത് ഒരമ്മയുടെ
കണ്ണിനാണെന്ന് ആരോ കേഴുന്നു
ബാല്യത്തില്‍ കൈപ്പിടിച്ചുനടത്തിയ
ഒരമ്മയോട്, മകന്
ഇത്രയല്ലയോ ചെയ്യാനൊക്കൂ.
സഹിച്ചും
ക്ഷമിച്ചും
സ്‌നേഹിച്ചും
മകനുവേണ്ടി ജീവിതം ഹോമിച്ച
ഒരമ്മയോട് മകന്
ഇത്രയല്ലയോ ചെയ്യാനൊക്കൂ
...... ....... .....
മകന് കിടപ്പിലാണ്
ഒരിറ്റു വെള്ളം ഇറക്കാനാകാതെ
ചുടുകണ്ണീര്‍ പൊഴിച്ചുകൊണ്ട്
കുറ്റബോധത്തിന്റെ
നീര്‍ച്ചുഴിയില്‍ അകപ്പെട്ട്
അമ്മയെന്ന വിലപ്പെട്ട
വാക്കിന്റെ അര്‍ത്ഥം
പൂര്‍ണ്ണമായി ഉള്‍ക്കൊണ്ടുകൊണ്ട്.
1 comment:
മാതൃത്വംതുളുന്പുന്ന വരികള്. നന്ദി, ഓര്മ്മപ്പെടുത്തലുകള്ക്ക്
Post a Comment